కాల గణన-5

వారం: వారం అంటే ఏడు తిథుల కాలం, ప్రస్తుతం పాశ్చాత్య కాలమానం కూడా ఏడు రోజుల కాలానికి వారం అనే పేరు. ఇక వారాల పేర్లు గురించి తెలుసుకునే ప్రయత్నం చేద్దాం.

అసలు ముందు వారానికి ఏడురోజులే ఎందుకు ఉండాలి? ఎవరికైనా ఈ సందేహం వచ్చిందా?
మనకు సౌరమండలంలో తొమ్మిది గ్రహాలున్నాయి.

ఆదిత్యాయ సోమాయ మంగళాయ బుధాయచ
గురుశ్శుక్రశ్శనిభ్యశ్చ రాహవే కేతువే నమః

అని శ్లోకం. ఆధునిక పరిజ్ఞానం ప్రకారం కూడా తొమ్మిది గ్రహాలే. ఇవి కాక ఆస్టరాయిడ్స్, ఇంకా చిన్న చిన్న గ్రహ శకలాలు చాలా వున్నాయి వాటికి ప్రాధాన్యం అంత లేదు.

బుధుడు, శుక్రుడు, భూమి ,కుజుడు (అంగారకుడు) బృహస్పతి (గురుడు) శని, యురేనస్ నెప్ట్యూన్ ప్లూటో

2006 తరువాత ప్లూటో గ్రహం కాదు అని వారి నవగ్రహ ప్రతిపాదనలను వారే సవరించుకునే పరిస్థితి.

కానీ మన పూర్వీకులు గ్రహించిన విషయం ఏమిటంటే ఇలాంటి గ్రహాలూ, గ్రహ శకలాలు ఎన్ని వున్నా మన జీవన శైలిని ప్రభావితం చేసేవి ఏడే. అవే మన వారాల పేర్లు .

ఇవికాక ఒక రోజులో రాహు కేతువుల ప్రభావం కూడా మన వాళ్ళు నిర్దిష్టంగా కనిపెట్టి మన పంచాంగంలో రాహుకాలం, వర్జ్యం దుర్ముహూర్తం అని మనకి తెలియచేసారు.

ఇంతకు ముందు వివరించినట్లు ఇంగ్లీషు కాలమానంలో రోజు తరువాత నెల మాత్రమే వస్తుంది, కానీ వారు కూడా, కాలం పట్ల మనకున్న అవగాహనకి ఆశ్చర్యపడి వారం అనే సిద్దాంతాన్ని పరిగణనలోకి తీసుకున్నారు. కావాలంటే చూడండి వారి వారాల పేర్లు మన గ్రహాలతో ముడిపడి ఉంటాయి.

sunday ఆదివారం (ఆదిత్య-సూర్యుడు)
monday సోమా వారం (మూన్ సోమ చంద్రుడు)
tuseday మంగళవారం (మార్స్ కుజుడు)
wednesday
thursday
friday
saturday శనివారం (సాటర్న్ శని).

మాసం (నెల): భూమి సూర్యుడిని ఒకసారి చుట్టి రావడానికి పట్టే సమయాన్ని సౌర సంవత్సరం అంటారు. కానీ మనకు నెలలు ఏర్పడడం ఈ భూభ్రమణం వలన కాదు. చంద్రుడు భూమి చుట్టూ తిరగటం వలన నెలలు ఏర్పడతాయి, అదే మన తెలుగు లేదా భారతీయ మాసం.ఇంగ్లీషు వారు ఈ చంద్ర మాసాలని లెక్క గట్టకుండా వారికి నచ్చినట్టు 12 నెలలను వాటికి రోజులను నిర్ణయించేసారు. 12 ఎందుకు అని అడుగుతారేమో మనకు రాశులు 12. నిజానికి సౌర మాసం అంటే ఒక్కొక్క సౌరమాసంలో సూర్యుడు ఒక్కొక్క రాశి లోకి మారతాడు. కనీసం ఈ సిద్ధాంతం ప్రకారం సౌర మాసాల లెక్కింపు చేసినా వారి కాలగణనలో అన్ని అవకతవకలు ఉండేవి కాదేమో.

ఇక చంద్ర మాసం అంటే ఏమిటో చూద్దాం. మనకు నక్షత్రాలు 27. ఒక్కొక తిథి ఓ చంద్రుడు ఒక్కోలా నక్షత్రాన్ని చేరతాడు. ఇలా ఒక చంద్ర మాసం అంటే ~29.5 రోజులు పడుతుంది. అదే మన తెలుగు మాసం.

చంద్ర సంవత్సరం సౌర సంవత్సరం
ఇటువంటి ~29.5 రోజులు *12 నెలలు = 354.3 రోజులు ఒక చాంద్రమాన సంవత్సరం. కానీ సూర్యుడి చుట్టు భూమి తిరగడానికి 365 రోజులా, 6 గంటలు, 11 నిముషాలు 31 సెకెండ్లు పడుతుంది. వీరిద్దరి మధ్య సుమారు 11 రోజులు తేడా ఉంది. ఆ లెక్కన ప్రతి ముప్పై రెండున్నర సౌర మాసాలకు ఒక చంద్ర మాసం అధికంగా వస్తుంది. ఈ విషయాన్ని మొట్టమొదట గ్రహించిన వారు భారతీయ ఖగోళ శాస్త్రజ్ఞలే.
అంటే ఈ అధిక మాసంలో సూర్యుడు రాశి సంక్రమణం చేయడు. అందుకే దాన్ని అధిక మాసం అంటారు.

ఈ అధిక మాసము ఎప్పుడూ చైత్రమాసము నుండి ఆశ్వయుజమాసము (ఇంచుమించు మొదటి ఆయనం) మధ్యలోనే వస్తుంది. ఒక సారి అధిక మాసము వచ్చాక తిరిగి 28 నెలలకు మరోసారి వస్తుంది. ఆ తర్వాత 34, 34, 35, 28 నెలలకు వస్తుంది. అధిక మాసం ముందు వచ్చి ఆతర్వాత నిజ మాసం వస్తుంది.

మన భారతీయుల గొప్పతనం చూడండి. ఎవ్వరికైనా ఒక నిర్ణీత సమయం తరువాత వంటి నుంచి మలం బయటకు వస్తుంది (కళ్ళలో పుసులు, వంటిమీద స్వేదం, కడుపులో మలం ఇలా), ఈ మలం శుభ్రం చేసుకోవటం తోనే మనం రోజు ప్రారంభిస్తాం స్నానం చేసి బయట కనిపించే మలం, నిత్య కర్మలు (సంధ్యా వందన విధులు) చేసి అంతః కల్మషం కడుగుకొని మన రోజు మొదలు పెడతాం. ఇలాగే సూర్య చంద్రులకూ మలం వస్తుంది, వారు రాశి సంక్రమణం, నక్షత్ర సంక్రమణం ద్వారా తన మలం తొలగించుకుంటారు. అధిక మాసంలో సూర్యుడు రాశి సంక్రమణం చేయలేదు కానీ చాంద్రమాసం గడిచిపోయింది. నిజ మాసం లోకాని సూర్యుడు రాశి మారడు, అంటే అదే రాశిలో ఉండటం వలన ఈ అధిక మాసాన్ని మైల మాసం అని అంటారు. అందుకే అశుభ్రమైన ఈ అధిక మాసంలో ఎలాంటి శుభ కార్యాలు చేయకూడదు అని ఆచారం. కానీ నిత్యకర్మలు మాత్రం మానకూడదు అందుకే సంధ్యావందనం, పితృకార్యాలు మానరు.

ప్రపంచంలో ఎక్కడా సైన్సు, స్పిరిట్యువాలిటీ (ఆధ్యాత్మికతకు) కలగలిపి అర్థం చెప్పలేరు. వారి దృష్టిలో సైన్సు వున్నచోట ఆధ్యాత్మికత మూఢ నమ్మకం లేదా ఆధ్యాత్మికత వున్నచోట సైన్సు మూగబోయి జవాబు చెప్పలేని స్థితి. కానీ మన భారతీయత, సనాతన ధర్మం మాత్రమే శాస్త్రీయమైన పధ్ధతి అందులోనూ ఆధ్యాత్మికతకు శాస్త్రీయమైన నిర్వచనం చెప్పగలిగిన ఏకైక ధర్మం.

ఒక్కసారి ఆలోచించండి ఇంతటి గొప్ప ధర్మాన్ని పాటిస్తున్నందుకు మనం ఎంత గర్వపడాలి?? ఆ గొప్పతనాన్ని తెలియక ఎవరో సనాతన ధర్మం అంటే మూఢనమ్మకం ఎవరైనా కించపరిస్తే మనం ఎంత సిగ్గుపడాలి??

హిందువునని జీవించు హిందువుగా మది గర్వించు.

భారతమాతకు జయము.

ప్రకటనలు

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

Twitter picture

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s